Xalıq deputatları Bozataw rayonlıq Keńesi janındaǵı turaqlı komissiyalardıń baslıqları Sh.Berdaxov, J.Jumanazarov hám komissiya aǵzaları G.Yusupova, kóshe biyleri hám nuraniyler qatnasıwında normativlik-huqıqıy hújjetler hám xalıq deputatları rayonlıq Keńesi tárepinen qabıl etilgen qararlardıń mazmun-mánisin keń jámiyetshilikke jetkeriw boyınsha úgit-násiyat ilajı ótkerildi.
Ilaj dawamında qabıl etilip atırǵan normativlik-huqıqıy hújjetlerdiń tiykarǵı maqseti, olardıń puqaralar turmısındaǵı áhmiyeti, sonday-aq, Keńes qararlarınıń orınlanıwı hám ámeliy nátiyjeleri boyınsha hár tárepleme túsinikler berildi. Qatnasıwshılar tárepinen hújjetlerdiń mazmunın xalıqqa ápiwayı hám túsinikli tárizde jetkeriw, puqaralardıń huqıqıy sawatlılıǵın arttırıw jáne nızam hújjetleriniń orınlanıwın támiyinlew boyınsha pikir-usınıslar bildirildi.
Sonday-aq, ilaj juwmaǵında normativlik-huqıqıy hújjetlerdiń orınlanıwın támiyinlewde jámiyetlik qadaǵalawdı kúsheytiw, puqaralar menen ashıq pikirlesiwdi dawam ettiriw hám bul baǵdarda úgit-násiyatlaw jumısların izbe-iz shólkemlestiriw boyınsha aldaǵı wazıypalar belgilep alındı.