Búgin deputatlar xanasında Xalıq deputatları Taxtakópir rayonlıq Keńesiniń Sociallıq taraw, Jaslar siyasatı, mádeniyat hám sport máseleleri boyınsha» turaqlı komissiyasınıń gezektegi májilisi bolıp ótti.
Májilisti turaqlı komissiya baslıǵı Q.Jaliev basqarıp bardı.
Kún tártibindegi birinshi másele boyınsha Ózbekstan Respublikası Prezidentiniń 2024-jıl 23-sentyabrdegi «Kambaǵallıqtan parawanlıqqa qaray» baǵdarlamasın ámelge asırıw boyınsha birinshi gezektegi
is-ilajlar haqqında»ǵı PQ-330-sanlı qararı tiykarında rayonda ámelge asırılǵan jumıslar haqqında Kambaǵallıqtı qısqartıw hám bántlik bólimi baslıǵınıń esabatı,
- «Ózbekstan-2030» strategiyasınıń «Máhálleni rawajlandırıw hám jámiyetti jetilistiriw jılı»nda ámelge asırıwǵa baylanıslı Mámleketlik baǵdarlamanıń «Hár bir insanǵa óz múmkinshiligin júzege shıǵarıw ushın múnásip sharayatlardı jaratıw» baǵdarındaǵı mayıplıǵı bolǵan shaxslardı qollap-quwatlaw hámde olar ushın qolaylı sharayatlar hám ortalıqtı jaratıwǵa baylanıslı belgilengen wazıypalardıń orınlanıwı boyınsha rayonlıq «Insan» sociallıq xızmetler orayı direktorınıń esabatı,
- Ózbekstan Respublikasınıń 2020-jıl 23-sentyabrdegi «Bilimlendiriw haqqında»ǵı Nızamı talaplarınıń orınlanıwı haqqında rayonlıq Mektepke shekemgi hám mektep bilimlendiriwi bólimi baslıǵınıń esabatı qarap shıǵılıp, turaqlı komissiya tárepinen rayonlıq Keńestiń gezektegi sessiyasına usınıw haqqında sheshim qabıl etildi.