Yoshlarni har tomonlama qo‘llab-quvvatlash, ularningbandligini ta’minlash va tadbirkorlik tashabbuslariga qanot berish maqsadida tizimli uchrashuvlar davom etmoqda. Xalq deputatlari Jalaquduq tuman Kengashi deputati I.Butabekov «Kapa» mahalla fuqarolar yig‘inida bo‘lib, o‘ziga biriktirilgan yoshlar bilan ish rejasiga muvofiq navbatdagi uchrashuvni o‘tkazdi. Uchrashuvda Agrobank viloyat boshqarmasi boshlig‘i o‘rinbosari ham ishtirok etib, yoshlar uchun yaratilayotgan moliyaviy imkoniyatlar haqida batafsil ma’lumot berdi. Samimiy va ochiq muloqot tarzida o‘tgan tadbirda quyidagi muhim mavzular atroflicha muhokama qilindi: Huquqiy kafolat: Uchrashuv davomida yoshlarga «Aholi bandligi to‘g‘risida»gi O‘zbekiston Respublikasi Qonuni (O‘RQ-642-son) mazmun-mohiyati, unda belgilangan ish izlovchi va ishsiz shaxslarning huquqlari, bandlik sohasida taqdim etilayotgan davlat kafolatlari hamda subsidiyalar
haqida huquqiy tushunchalar berildi. Deputat va bank mutasaddisi ishtirokchilarni qiziqtirgan barcha savollarga batafsil javob qaytardilar. Loyihasini boshlash istagidagi bir qator yoshlarning kredit va yer ajratish bilan bog‘liq murojaatlari joyida nazoratga olindi.