Xalq salomatligini muhofaza qilish, birlamchi tibbiy-sanitariya yordami sifatini oshirish hamda aholini bepul dori-darmonlar bilan ta’minlash deputatlik nazoratining muhim yo‘nalishlaridan biridir. Xalq deputatlari Jalaquduq
tuman Kengashi deputati M.Turg‘unova «Ittifoq» mahalla fuqarolar yig‘inida joylashgan oilaviy poliklinikada bo‘ldi. O‘rganish davomida deputat quyidagi masalalarga alohida e’tibor qaratdi: uassasada aholiga ko‘rsatilayotgan tibbiy xizmatning sifati va tezkorligi; Bemorlar va ehtiyojmand qatlam uchun ajratilgan bepul dori-darmonlarning tarqatilish holati va ularning ochiqligi; Tibbiyot maskanida shifokorlar va bemorlar uchun yaratilgan sharoitlar. Huquqiy targ‘ibot: Muloqot davomida deputat va tibbiyot xodimlari ishtirokida «Fuqarolarning reproduktiv salomatligini saqlash to‘g‘risida»gi O‘zbekiston Respublikasi Qonuni (O‘RQ-528-son) mazmun-mohiyati yuzasidan suhbat o‘tkazildi. Mazkur qonunga ko‘ra, har bir fuqaro o‘z reproduktiv salomatligini saqlash, tibbiy-maslahat yordamini olish va oilani rejalashtirish bo‘yicha davlat tomonidan kafolatlangan huquqlarga ega ekanligi alohida ta’kidlandi. Oilaviy poliklinikada
aniqlangan ayrim kamchiliklarni bartaraf etish yuzasidan mas’ullarga tavsiyalar berildi hamda dori vositalarining o‘z egalariga vaqtida yetib borishi qat’iy nazoratga olindi.