Uchrashuv davomida mahallada favqulodda vaziyatlarning oldini olish, aholining hayoti va sog‘lig‘ini muhofaza qilish, yong‘in xavfsizligi qoidalariga rioya etilishi, tabiiy va texnogen xususiyatli favqulodda vaziyatlarga tayyorgarlik holati hamda profilaktik targ‘ibot ishlarining samaradorligi yuzasidan fikr almashildi.

Shuningdek, hududdagi mavjud xavf omillarini bartaraf etish, fuqarolar o‘rtasida ogohlantirish va tushuntirish ishlarini kuchaytirish, mas’ul tashkilotlar bilan hamkorlikni yanada mustahkamlash bo‘yicha zarur vazifalar belgilab olindi.

Mazkur nazorat va o‘rganish ishlari O‘zbekiston Respublikasining “Aholini va hududlarni tabiiy hamda texnogen xususiyatli favqulodda vaziyatlardan muhofaza qilish to‘g‘risida”gi 2022-yil 17-avgustdagi O‘RQ–790-son Qonuni ijrosini ta’minlash hamda aholi xavfsizligini yanada mustahkamlash maqsadida tashkil etildi.

Xalq deputatlari Termiz shahar Kengashi tomonidan hududlarda qonunlar ijrosini ta’minlash, fuqarolarning xavfsizligini mustahkamlash va mas’ul tashkilotlar faoliyatini deputatlik nazorati asosida o‘rganish ishlari izchil davom ettirilmoqda.