Xalq deputatlari Qo‘qon shahar Kengashi deputati R.Talipdjanov tomonidan "Navro‘z" mahalla fuqarolar yig‘inida ijtimoiy xodimi I.Ergashevaning O‘zbekiston Respublikasining 2020-yil 10-oktyabrdagi O‘RQ–641-sonli "Nogironligi bo‘lgan shaxslarning huquqlari to‘g‘risida"gi Qonuni ijrosi yuzasidan olib borayotgan faoliyati o‘rganildi.

O‘rganish davomida ijtimoiy xodim I.Ergasheva tomonidan nogironligi bo‘lgan shaxslar hamda ijtimoiy himoyaga muhtoj fuqarolarni qo‘llab-quvvatlash borasida amalga oshirilayotgan ishlar yuzasidan batafsil ma’lumot berildi.

Ma’lum qilinishicha, joriy yilning o‘tgan davri mobaynida:
62 ta oilaga 17 mln 304 ming so‘mlik oziq-ovqat mahsulotlari yetkazib berilgan;
41 mln 200 ming so‘mlik kiyim-kechak va zarur buyumlar bilan ta’minlangan;
10 nafar fuqaroning 4 mln 120 ming so‘mlik kommunal xizmatlardan qarzdorligi qoplab berilgan;
1 nafar fuqaroning 38 mln so‘mlik jarrohlik amaliyoti xarajatlari to‘lab berilgan.

Shuningdek, nogironligi bo‘lgan shaxslarni ijtimoiy qo‘llab-quvvatlash, ularning salomatligini mustahkamlash, tibbiy-ijtimoiy reabilitatsiya xizmatlarini tashkil etish hamda sanatoriy va sihatgohlarga bepul yo‘llanmalar ajratish bo‘yicha amalga oshirilayotgan ishlar muhokama qilindi.

Uchrashuv davomida fuqarolarning qonunchilikda belgilangan ijtimoiy imtiyozlardan foydalanish imkoniyatlari, murojaatlarni ko‘rib chiqish tartibi hamda ehtiyojmand fuqarolarga ko‘rsatilayotgan xizmatlar sifatini yanada oshirish masalalari yuzasidan fikr almashildi.

Xalq deputatlari Qo‘qon shahar Kengashi