#kotibiyat_mudiri_faoliyati
#fuqorolar_qabuli

Fuqorolar qabuli oʻtkazildi

Xalq deputatlari Qiziriq tumani Kengashi kotibiyati mudiri K. Muhammadiyev hamda Qiziriq tumani hokimining birinchi o‘rinbosari U. Panjiyev tomonidan tuman Xalq qabulxonasi binosida navbatdagi fuqarolar qabuli o‘tkazildi.

Qabul davomida fuqarolar tomonidan bandlik, ijtimoiy himoya, uy-joy, yer munosabatlari, kommunal xizmatlar, tadbirkorlikni rivojlantirish hamda boshqa dolzarb masalalar yuzasidan bildirilgan murojaatlar tinglandi.

Har bir murojaat mazmunan atroflicha o‘rganilib, ularning ijobiy yechimini ta'minlash maqsadida mas'ul tashkilot va idoralarga tegishli topshiriqlar berildi. Joyida hal etilishi mumkin bo‘lgan masalalar yuzasidan amaliy yordam ko‘rsatildi, qo‘shimcha o‘rganish talab etiladigan murojaatlar esa nazoratga olinib, ijrosi bo‘yicha aniq muddatlar belgilandi.

Fuqarolar bilan ochiq va samarali muloqotni yo‘lga qo‘yish, ularning muammo hamda takliflarini o‘z vaqtida ko‘rib chiqish, aholini qiynayotgan masalalarga yechim topish deputatlik faoliyatida ham muhim yo‘nalishlardan biri hisoblanadi.

Bunday qabullar orqali fuqarolarning murojaatlari tizimli ravishda ko‘rib chiqilib, ularning qonuniy manfaatlarini ta'minlash hamda davlat organlariga bo‘lgan ishonchini yanada mustahkamlashga alohida e'tibor qaratilmoqda.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram