O‘zbekiston Respublikasining 2016-yil 14-sentabrdagi "Yoshlarga oid davlat siyosati to‘g‘risida"gi O‘RQ-406-son Qonuni ijrosi yuzasidan o‘rganish ishlari olib borildi.
Xalq deputatlari Shovot tumani Kengashi deputati Z. Polvonova, tuman Kengashi kotibiyati bosh mutaxassisi D. Abdrimova hamda O‘zbekiston XDP Shovot tuman Kengashi raisi O. Akimova tomonidan "Madaniyat" mahallasi yoshlar yetakchisining faoliyati o‘rganildi.
O‘rganish davomida quyidagi masalalarga alohida e'tibor qaratildi:
🔹 Qonun talablarining amaliyotga tatbiq etilishi;
🔹 Yoshlarning huquq va manfaatlarini himoya qilish bo‘yicha amalga oshirilayotgan ishlar;
🔹 Yoshlar bandligini ta'minlash, kasb-hunarga yo‘naltirish va tadbirkorlikni qo‘llab-quvvatlash choralari;
🔹 Iqtidorli yoshlarni qo‘llab-quvvatlash hamda ularning ta'lim olishi va salohiyatini rivojlantirish uchun yaratilgan sharoitlar;
🔹 Yoshlar o‘rtasida huquqbuzarlik va jinoyatchilikning oldini olish, sog‘lom turmush tarzini targ‘ib etish bo‘yicha profilaktik tadbirlar;
🔹 Yoshlar bilan ishlash bo‘yicha mas'ul xodimlar faoliyati va tegishli hujjatlarning yuritilishi;
🔹 Davlat organlari, ta'lim muassasalari, mahalla va jamoat tashkilotlari bilan hamkorlik holati.
O‘rganish yakunida aniqlangan holatlar yuzasidan qonun ijrosini yanada takomillashtirish, mavjud kamchiliklarni bartaraf etish hamda yoshlar bilan ishlash samaradorligini oshirishga qaratilgan amaliy tavsiyalar berildi.
Yoshlar manfaatlarini ta'minlash va ularning kelajagi uchun xizmat qiluvchi davlat siyosati doimiy deputatlik nazoratida.