Xalq deputatlari Shovot tumani Kengashining navbatdagi sessiyasi kun tartibiga kiritilgan masala yuzasidan joylarda o‘rganish ishlari olib borildi.
Jumladan, Shovot tumani hokimligining Oila va xotin-qizlar bo‘limi boshlig‘i Saida Nuraddinovna Jumaniyozova tomonidan 2026-yilning birinchi yarim yilligi davomida "Ayollar daftari"ning 6-bosqichiga kiritilgan xotin-qizlarga ko‘rsatilgan ijtimoiy-iqtisodiy ko‘mak, ajratilgan moddiy yordam hamda ushbu mablag‘larning hududlarda maqsadli va samarali ijrosi yuzasidan amalga oshirilgan ishlar o‘rganildi.
Shuningdek, Xalq deputatlari Shovot tumani Kengashiga 22-Yunus Ayyomiy saylov okrugidan saylangan deputat Polvanova Zebo Omonboyevna ishtirokida saylov okrugi hududidagi Bechchiqir, Madaniyat va Po‘lat mahallalarida faoliyat yuritayotgan xotin-qizlar faollarining ish faoliyati, aholi bilan ishlash samaradorligi hamda xotin-qizlarni qo‘llab-quvvatlash borasida amalga oshirilayotgan ishlar joyiga chiqqan holda o‘rganildi.
Mazkur o‘rganishlar sessiya kun tartibidagi masalalarni har tomonlama tahlil qilish, mavjud muammolarni aniqlash hamda ularni bartaraf etish bo‘yicha amaliy takliflar ishlab chiqishga xizmat qiladi.