Xalq deputatlari G‘ozg‘on shahar Kengashi deputati M.Ergasheva hamda Kotibiyat bosh mutaxassisi D.Murodov shahardagi Shayxon MFYda bo‘lib, mahalladagi ijtimoiy xodim tomonidan amalga oshirilayotgan ishlar holati bilan tanishdi.

O‘rganish davomida aholining ijtimoiy himoyaga muhtoj qatlamini qo‘llab-quvvatlash, fuqarolarga ko‘rsatilayotgan ijtimoiy xizmatlar sifati hamda manzilli yordam ko‘rsatish bo‘yicha olib borilayotgan ishlar muhokama qilindi.
O'rganish Aholiga psixologik yordam ko‘rsatish to‘g‘risida O‘zbekiston Respublikasining Qonuni, O‘RQ-989-son, qabul qilingan sana: 2024-yil 5-noyabr. talablari asosida amalga oshirildi.
Shuningdek, "Deputat daftari"ga qayd etilgan murojaat va muammolarni bartaraf etish yuzasidan amalga oshirilayotgan ishlar ko‘zdan kechirildi. Mas'ul mutasaddilarga mavjud muammolarni belgilangan muddatlarda hal etish hamda ijrosini qat'iy nazoratga olish bo‘yicha tegishli tavsiya va topshiriqlar berildi.
Deputat tomonidan fuqarolar manfaatlarini ta'minlash, ularning murojaatlariga o‘z vaqtida yechim topish hamda mahallalarda ijtimoiy masalalarni tizimli hal etish yuzasidan nazorat ishlari izchil davom ettirilishi ta'kidlandi.