Yoshlar — yurtimiz kelajagi, sport esa ularning yuksak marralar sari ishonchli qadamidir!
Xalq deputatlari Do‘stlik tuman Kengashi 1-Sh.Rashidov saylov okrugi deputati, tuman hokimi Sh.Darvishev tuman Yoshlar shaharchasida barpo etilgan Kurash saroyining ochilish marosimida ishtirok etdi.
Tadbir davomida deputat kurash sport turi bilan muntazam shug‘ullanayotgan yoshlar bilan samimiy suhbat o‘tkazib, ularning fikr-mulohazalari, taklif va tashabbuslarini tingladi. Shuningdek, yosh sportchilar uchun yaratilayotgan shart-sharoitlar, sport infratuzilmasini rivojlantirish hamda sog‘lom turmush tarzini keng targ‘ib etish masalalariga alohida e'tibor qaratildi.
Yangi foydalanishga topshirilgan Kurash saroyi yoshlarni sport bilan muntazam shug‘ullanishi, iste'dodini namoyon etishi va kelgusida yurtimiz sharafini xalqaro maydonlarda munosib himoya qiladigan sportchilar safini kengaytirishga xizmat qiladi.