📌 Hududlarda oʻrganishlar izchil davom etmoqda: Mirishkor tumanidagi investitsiya zonalari diqqat markazida

Xalq deputatlari Mirishkor tuman Kengashi xodimlari tomonidan tuman iqtisodiyoti va aholi bandligiga bevosita daxldor boʻlgan sohalarni joyiga chiqqan holda oʻrganish ishlari tizimli ravishda tashkil etib kelinmoqda.

Xususan, Kengash kotibiyati xodimlari B.Eshpoʻlov va B.Boboyev tuman hokimining Investitsiyalar, sanoat va savdo boʻlimi mutaxassisi bilan birgalikda tumandagi investitsiya zonalarida boʻlib, mavjud holatni atroflicha oʻrganishdi.
🔍 Oʻrganish jarayonida asosiy eʼtibor quyidagilarga qaratildi:
Infratuzilma va holat: Investitsiya zonalarida tadbirkorlar uchun yaratilgan sharoitlar va mavjud infratuzilma (elektr, suv, yoʻl tarmoqlari) koʻzdan kechirildi.

Istiqbolli loyihalar tahlili: Yangi loyihalarni ishga tushirish bosqichlari va ularni amalga oshirishdagi surʼatlar baholandi.
Muammolarni aniqlash va yechim izlash: Joyida ishlayotgan tadbirkorlar bilan suhbatlashilib, ularni qiynayotgan tizimli masalalar hamda sohani rivojlantirish boʻyicha takliflar tinglandi.

Maqsad aniq: Investitsiya loyihalarini oʻz vaqtida va sifatli ishga tushirish orqali tuman iqtisodiy salohiyatini oshirish hamda yangi barqaror ish oʻrinlarini yaratishga koʻmaklashish.