Mirzo Ulug‘bek tumani “Navnihol” mahalla hududidagi 38-sonli maktabgacha ta’lim tashkilotida o‘rganish ishlari o‘tkazildi.

Unda bolalarning hayoti va sog‘lig‘ini muhofaza qilish, umumiy xavfsizlikni ta’minlash, elektr va sanitariya talablariga rioya etish, shuningdek, obodonlashtirish hamda yong‘in xavfsizligi qoidalariga amal qilinishi holatlari atroflicha ko‘rib chiqildi.

Maktabgacha ta’lim va tarbiya tizimini ilg‘or xorijiy tajribalar asosida takomillashtirish, pedagog kadrlar salohiyatini oshirish, shuningdek, bolalarni o‘yinga yo‘naltirilgan ta’lim asosida milliy g‘urur va Vatanga muhabbat ruhida tarbiyalash maqsadida amalga oshirlayotgan ishlar haqida suhbatlashildi.

O‘rganishlar davomidagi kamchiliklar muhokama qilinib, ularni bartaraf etish hamda sohadagi ish samaradorligini oshirish bo‘yicha tegishli taklif va tavsiyalar berildi.

Ushbu o‘rganish tadbirlarida Xalq deputatlari Mirzo Ulug‘bek tumani Kengashi kotibiyati bosh mutaxassisi Jamoliddin Kuchkarov ham ishtirok etdi.