📖 O‘zbekiston Respublikasining "Yoshlarga oid davlat siyosati to‘g‘risida"gi Qonuni (O‘RQ–406) ijrosi yuzasidan Xalq deputatlari Shovot tumani Kengashi deputati A.Kalandarov o‘z saylov okrugidagi Bo‘ston mahallasi yoshlar yetakchisi J.Otojanov faoliyatini o‘rgandi.
🤝 O‘rganishda kotibiyat mudiri I.Masharipov hamda kotibiyat xodimi U.Ruzmetov ishtirok etdi.
📊 O‘rganish davomida joriy yilning 6 oyi mobaynida Bo‘ston mahallasida yoshlar bandligini ta’minlash va ularni tadbirkorlikka jalb etish borasida amalga oshirilgan ishlar tahlil qilindi.
💼 Jumladan, "Har bir oila – tadbirkor" dasturi doirasida 7 nafar yoshga 136 million so‘m miqdorida, "Mahallam loyihasi" va "Biznesga ko‘mak" dasturlari orqali esa 5 nafar yoshga 165 million 400 ming so‘m miqdorida imtiyozli kreditlar ajratilgan.
✅ Natijada mazkur yoshlarning bandligi ta’minlanib, ular o‘z tadbirkorlik faoliyatini yo‘lga qo‘ygan.
📌 O‘rganish yakunida yoshlar bandligini ta’minlash, tadbirkorlikni yanada rivojlantirish hamda ajratilgan kreditlardan samarali foydalanish yuzasidan tegishli tavsiyalar berildi.