Mazkur masala O‘zbekiston Respublikasi Prezidentining 2024-yil 20-dekabrdagi PF-223-son Farmoni, O‘zbekiston Respublikasi Prezidenti huzuridagi Strategik rejalashtirish va rivojlanish bo‘yicha muvofiqlashtiruvchi kengash yig‘ilishi bayoni hamda “Mahalliy davlat hokimiyati to‘g‘risida”gi Qonunda belgilangan vazifalar ijrosini ta’minlash maqsadida muhokama qilindi.

Sessiyada tumanda mavjud sanoat salohiyatidan samarali foydalanish, qog‘oz va qog‘oz mahsulotlari ishlab chiqarish yo‘nalishida yangi tashabbuslarni ilgari surish, eksport imkoniyatlarini kengaytirish hamda qo‘shimcha iqtisodiy zaxiralarni aniqlash masalalariga e’tibor qaratildi.

Shuningdek, mas’ul tashkilotlar tomonidan hududdagi mavjud korxonalar faoliyatini tahlil qilish, ishlab chiqarish hajmini oshirish, yangi ish o‘rinlari yaratish va eksportbop mahsulotlar ishlab chiqarishni qo‘llab-quvvatlash yuzasidan takliflar bildirildi.

✅ Yunusobod tumanida sanoat salohiyatini rivojlantirish, eksport imkoniyatlarini kengaytirish va iqtisodiy o‘sishni ta’minlash bo‘yicha ishlar davom ettiriladi.