Xalq deputatlari Angor tumani Kengashi kotibiyati mudiri Jamshid Raximqulov tomonidan 1-Guliston saylov okrugida joylashgan Guliston mahallasida faoliyat yuritayotgan ijtimoiy xodimning ish faoliyati o‘rganildi.

O‘rganish jarayonida ijtimoiy xodim Kurbonova Gavhar tomonidan mahalladagi ijtimoiy himoyaga muhtoj fuqarolar bilan olib borilayotgan ishlar haqida ma’lumot berildi. Xususan, imp.ihma.uz platformasiga kiritilgan fuqarolar va oilalar bilan ishlash holati, ularning murojaatlari hamda muammolarini hal etish bo‘yicha amalga oshirilayotgan chora-tadbirlar muhokama qilindi.
Shuningdek, ijtimoiy reyestrga kiritilgan oilalar 3 ta toifaga ajratilishi, har bir toifa bo‘yicha alohida yondashuv asosida manzilli yordam va ijtimoiy xizmatlar ko‘rsatilayotgani ta’kidlandi.

O‘rganish davomida kotibiyat mudiri tomonidan ijtimoiy himoyaga muhtoj fuqarolar bilan ishlash samaradorligini yanada oshirish, mavjud muammolarni o‘z vaqtida aniqlash va ularni bartaraf etish yuzasidan tegishli tavsiyalar berildi.