Xalq deputatlari Qo‘qon shahar Kengashi kotibiyati mudiri A.Nosirov tomonidan Qo‘qon shahar 26-sonli umumta’lim maktabida o‘quvchilarning yozgi ta’til davrini mazmunli tashkil etish yuzasidan amalga oshirilayotgan ishlar bilan yaqindan tanishildi.

O‘rganish davomida maktabda yoshlarning bo‘sh vaqtini samarali tashkil etish, ularni foydali mashg‘ulotlarga jalb etish hamda ta’til davrida bilim va ko‘nikmalarini mustahkamlashga qaratilgan tadbirlar ko‘zdan kechirildi.

Maktabda tashkil etilgan fan, kitobxonlik va ijodiy yo‘nalishdagi mashg‘ulotlar o‘quvchilarning qiziqishlari asosida olib borilayotgani, bu esa ularning bo‘sh vaqtini mazmunli o‘tkazishga xizmat qilayotgani ta’kidlandi.

Shuningdek, sport tadbirlari va sog‘lom turmush tarzini targ‘ib etishga qaratilgan mashg‘ulotlar orqali yoshlarning jismoniy faolligini oshirish borasida ham tizimli ishlar olib borilayotgani qayd etildi.

Maktab rahbariyati bilan o‘tkazilgan suhbat davomida yozgi ta’til davrida o‘quvchilar qamrovini kengaytirish, ularning qiziqishlaridan kelib chiqib yangi mashg‘ulotlarni yo‘lga qo‘yish hamda “Dolzarb 90 kunlik” dasturida belgilangan vazifalar ijrosini ta’minlash masalalari muhokama qilindi.

Ta’lim muassasasida yoshlarning bo‘sh vaqtini mazmunli tashkil etish, ularni bilim olishga va sog‘lom turmush tarziga yo‘naltirish bo‘yicha olib borilayotgan ishlar ijobiy baholandi.

🇺🇿Xalq deputatlari Qo‘qon shahar Kengashi