2026-yil 22-iyun kuni Xalq deputatlari Andijon shahar Kengashi 11-Guliston saylov okrugi hududidagi “Ishchilar” mahallasi aholisining muammolari o‘rganildi.

O‘rganish davomida “Ishchilar” MFY, Paxtaobod ko‘chasi 2-uyda yashovchi To‘xtaxon Mahmudovaning xonadoniga tashrif buyurilib, yashash sharoiti bilan tanishildi. Aniqlanishicha, fuqaro 2-guruh nogironi bo‘lgan farzandi bilan birga istiqomat qilib kelmoqda hamda hozirda xonadon hovlisini ta’mirlash zarurligi ma’lum bo‘ldi.

Mazkur holat yuzasidan Andijon shahar “Inson” ijtimoiy xizmatlar markaziga ijtimoiy daftarlar imkoniyatlari doirasida zarur ta’mirlash ishlarini amalga oshirish bo‘yicha chora ko‘rish yuzasidan deputat so‘rovi yuborildi.

Shuningdek, amalga oshirilgan ishlar va ko‘rilgan choralar yuzasidan 10 kun muddat ichida yozma ravishda javob xati taqdim etish so‘raldi.

Aholi murojaatlari va ijtimoiy muammolar deputatlik nazoratida.