Tuman Kengashi deputati tomonidan saylovchilarga axborot berildi
Joriy yilning 5 sanasida tuman Kengashi deputati Chankaeva Dildar Xakkulovna o‘z saylov okrugidagi fuqarolar bilan uchrashuv o‘tkazdi. Uchrashuvda deputat tomonidan o‘tgan davr mobaynida amalga oshirilgan ishlar, qabul qilingan qarorlar ijrosi hamda hududni ijtimoiy-iqtisodiy rivojlantirish borasidagi sa’y-harakatlar xususida axborot berildi.
Xususan, aholi bandligini ta’minlash, ijtimoiy himoyaga muhtoj oilalarni qo‘llab-quvvatlash, infratuzilmani yaxshilash va kommunal sohadagi muammolarni hal etish yuzasidan ko‘rilgan chora-tadbirlar haqida ma’lumot taqdim etildi.
Shuningdek, uchrashuv davomida saylovchilarning murojaat va takliflari tinglanib, ularni hal etish bo‘yicha aniq vazifalar belgilab olindi. Deputat kelgusida ham aholi bilan doimiy va ochiq muloqotni davom ettirishini bildirdi.