Xalq deputatlari Andijon shahar Kengashi kotibiyati mudiri B. Mo‘ydinov hamda Reglament va deputatlik odob-axloqi masalalari bo‘yicha doimiy komissiya raisi F. Dadajonov ishtirokida deputatlar tomonidan reglament va deputatlik odob-axloqiga amal qilinishi yuzasidan o‘rganish o‘tkazildi.

O‘rganish davomida deputatlar faoliyatini muntazam yoritib borish uchun yaratilgan mahalliy hokimiyat vakillik organlari portali — E-Kengash.gov hamda ijtimoiy tarmoqlarda amalga oshirilayotgan ishlar doimiy ravishda yoritib borilishi zarurligi ta’kidlandi.

Shuningdek, saylov okruglaridagi mahallalarda “mahalla yettiligi” tomonidan olib borilayotgan ishlarga deputat sifatida ko‘maklashish, aholi muammolarini o‘rganish hamda mas’ul tashkilotlarni jalb qilgan holda ularni hal etish bo‘yicha yetarli natija ko‘rsatmayotgan deputatlar bilan suhbat o‘tkazish va ogohlantirish berilishi belgilandi.

Xalq ishonchi — yuksak mas’uliyat!