OBOD MFY hududda ham Xalq deputatlari viloyat Kengashining 2026-yil 16-fevraldagi VII-16-27-1-0-K/26-sonli qarori ijrosini ta’minlash, xususan, “og‘ir” toifadagi mahallalarni rivojlantirishga qaratilgan MANZILLI DASTUR doirasidagi ishlar o'rganildi.

Aholi yashash sharoitlarini yaxshilashning eng muhim bo‘g‘ini bo‘lgan — toza ichimlik suvi tarmog‘ini tortish jarayonlari ko‘zdan kechirildi. Loyiha doirasida mahalla xonadonlarini uzluksiz suv bilan ta’minlash choralari ko‘rilmoqda. Viloyat Kengashi qarori bilan belgilangan reja asosida mahallaning ichki ko‘chalarini asfaltlashtirish ishlari tahlil qilindi. Yo‘llarning sifati va belgilangan muddatlarda yakunlanishi yuzasidan tegishli mutaxassislarga tavsiyalar berildi.

“Bizning asosiy vazifamiz — qarorlar qog‘ozda emas, har bir ko‘chada, har bir xonadonda o‘z aksini topishini ta’minlashdir” — deya ta’kidlandi.