Fuqaro murojaati ijrosi yuzasidan tushuntirish berildi


Xalq deputatlari Navoiy shahar Kengashining navbatdagi sessiyasida Navoiy shahri “Bahor” MFY, Islom Karimov ko‘chasi, 80-uyda joylashgan “Sanjarbek” savdo korxonasi rahbari Yu.X. Musayevaning murojaati ko‘rib chiqildi.

Murojaatda ko‘tarilgan masala yuzasidan vakolatli tashkilotlar ishtirokida o‘rganish ishlari olib borilib, natijalari sessiya muhokamasiga kiritildi. O‘rganish jarayonida murojaat muallifiga amaldagi qonunchilik talablari hamda qabul qilingan xulosalar yuzasidan tegishli tushuntirishlar berildi.

O‘rganish natijalariga ko‘ra, mazkur hududda transport vositalari harakatini cheklash yoki taqiqlash uchun qonunchilikda belgilangan huquqiy asoslar mavjud emasligi aniqlandi. Shu munosabat bilan murojaatda bayon etilgan talabni qanoatlantirish imkoniyati mavjud emasligi ma’lum qilindi.

Fuqarolar murojaatlarini ko‘rib chiqish va ularni qonunchilik talablari asosida hal etish borasidagi ishlar izchil davom ettirilmoqda.