Xalq deputatlari Bulung‘ur tuman Kengashi deputati Choriyeva Gavxar Saydullayevna o‘z saylov okrugiga qarashli Yangiariq mahallasida bo‘lib, yakka tartibdagi tadbirkor Shernazarov Akram faoliyati bilan tanishdi.

Shernazarov Akram xususiy yakka tartibdagi tadbirkor sifatida imtiyozli kredit asosida o‘z faoliyatini yo‘lga qo‘ygan. Bugungi kunda uning tashabbusi bilan tashkil etilgan o‘quv maskanida maktab o‘quvchilari hamda mahalladagi uyushmagan yoshlar o‘zlarining AKT savodxonligini oshirish maqsadida malakali mutaxassislardan saboq olib kelmoqda.

Deputat tomonidan amalga oshirilayotgan ushbu faoliyat yuqori baholanib, yoshlarning zamonaviy bilim va ko‘nikmalarni egallashi, ayniqsa axborot-kommunikatsiya texnologiyalari yo‘nalishida bilimlarini mustahkamlashga qaratilgan bunday tashabbuslar doimo qo‘llab-quvvatlanishi ta’kidlandi.

Xalq deputatlari Bulung'ur tuman Kengashi