“Nurli diyor” MFYdagi tikuvchilik faoliyati o‘rganildi

Xalq deputatlari Termiz tuman Kengashi kotibiyati mudiri A. Avliyakulov deputat S. Xakimov bilan birgalikda “Nurli diyor” MFY hududida tashkil etilgan tikuvchilik faoliyati bilan tanishdi.

Tashrif davomida tikuvchilik yo‘nalishida mehnat qilayotgan xotin-qizlar va yoshlar uchun yaratilgan shart-sharoitlar, ish jarayoni hamda ishlab chiqarish faoliyati ko‘zdan kechirildi. Shuningdek, ularning bandligini ta’minlash, kasb-hunar egallashi va doimiy daromad manbaiga ega bo‘lishlari uchun olib borilayotgan ishlar muhokama qilindi.

Mas’ullar tomonidan tikuvchilik faoliyatini yanada rivojlantirish, ish o‘rinlari sonini ko‘paytirish hamda mehnat qilayotgan fuqarolar uchun qulay sharoitlar yaratish masalalariga alohida e’tibor qaratildi. Bunday tashabbuslar aholi bandligini oshirish va oilalar farovonligini ta’minlashda muhim ahamiyat kasb etadi.