Huquqiy savodxonlik – adolatli boshqaruvning muhim omili

O‘zbekiston Respublikasining “Ma’muriy tartib-taomillar to‘g‘risida”gi Qonuni Qonunchilik palatasi tomonidan 2017-yil 14-dekabrda qabul qilingan hamda Senat tomonidan 2017-yil 20-dekabrda ma’qullangan.

Mazkur qonunning asosiy maqsadi ma’muriy organlar faoliyatida qonun ustuvorligini ta’minlash, fuqarolar va yuridik shaxslarning huquq hamda qonuniy manfaatlarini himoya qilishdan iborat.

Ushbu qonun davlat organlari bilan fuqarolar o‘rtasidagi munosabatlarni yanada shaffof va adolatli tashkil etishga xizmat qiladi. Xususan, litsenziya berish, ro‘yxatdan o‘tkazish, ruxsatnomalar ajratish hamda davlat xizmatlarini ko‘rsatish jarayonlarida aniq tartib va tamoyillarni belgilaydi.

Huquqiy davlat va kuchli fuqarolik jamiyatini barpo etishda mazkur qonunning mazmun-mohiyatini chuqur o‘rganish hamda amaliyotda to‘g‘ri qo‘llash muhim ahamiyat kasb etadi. Fuqarolarning huquqiy ongi va madaniyatini yuksaltirish esa bu boradagi eng muhim vazifalardan biridir