#qonunchilikdagi_yangiliklar #poytaxtdeputatlari #deputatlik_faoliyati

❗️Mahalliy Kengashlar doimiy komissiyalari kesimidagi eng muhim qonunlar

🏛 Korrupsiyaga qarshi kurashish va xavfsizlik masalalari bo‘yicha doimiy komissiya faoliyatida fuqarolarning shaxsiy ma’lumotlarini himoya qilish, axborot xavfsizligini ta’minlash hamda zamonaviy raqamli tahdidlarga qarshi samarali choralar ko‘rishga qaratilgan qonun hujjatlarini chuqur o‘rganish muhim ahamiyat kasb etadi.

📝 Bugungi kunda davlat va jamiyat hayotining barcha sohalarida raqamli texnologiyalar keng joriy etilayotgani sharoitida axborot resurslarini himoya qilish, shaxsga doir ma’lumotlarning daxlsizligini ta’minlash va kiberxavfsizlikni mustahkamlash ustuvor vazifalardan biri hisoblanadi.

📁 Xavfsizlik sohasi bo‘yicha o‘rganilishi lozim bo‘lgan muhim qonunlar:

📝 “Shaxsga doir ma’lumotlar to‘g‘risida”gi O‘zbekiston Respublikasining Qonuni

📆 №O‘RQ-547 | Qabul qilingan sana: 02.07.2019

📝 Mazkur qonun fuqarolarning shaxsiy ma’lumotlarini yig‘ish, saqlash, qayta ishlash va ulardan foydalanish bilan bog‘liq munosabatlarni tartibga solib, shaxsga doir ma’lumotlarning himoyasini ta’minlashga xizmat qiladi.

📝 “Kiberxavfsizlik to‘g‘risida”gi O‘zbekiston Respublikasining Qonuni

📆 №O‘RQ-764 | Qabul qilingan sana: 15.04.2022

📝 Ushbu qonun axborot tizimlari, telekommunikatsiya tarmoqlari va raqamli infratuzilmani kiberhujumlardan himoya qilish, kiberxavfsizlikni ta’minlash hamda ushbu sohadagi munosabatlarni huquqiy jihatdan tartibga solishga qaratilgan.

💡 Mazkur qonun hujjatlarini puxta o‘rganish mahalliy Kengash deputatlariga axborot xavfsizligini ta’minlash, fuqarolarning shaxsiy ma’lumotlarini himoya qilish, raqamli texnologiyalarni xavfsiz joriy etish hamda hududlarda kiberxavfsizlik madaniyatini yuksaltirish borasidagi faoliyatida muhim huquqiy asos bo‘lib xizmat qiladi.

📱 Telegram 📱 Instagram 📱 Facebook 📱 YouTube 🔎 E-kengash