Xalq deputatlari Mirzo Ulug‘bek tumani Kengashi deputati Oydin Daniyarxodjayeva “Sarbon” mahallasida yoshlar yetakchisi tomonidan yozgi ta’til davrida yoshlarning bo‘sh vaqtini mazmunli o‘tkazish yuzasidan tashkil etilgan chora-tadbirlar bilan yaqindan tanishib chiqdi.

Mahalladagi bolalar va sport maydonchalarining holati ko‘rilib, iqtidorli yoshlarni aniqlash hamda ularni qo‘llab-quvvatlash, globallashuv jarayonida yoshlar ongida mafkuraviy immunitetni yanada kuchaytirish, mamlakat ijtimoiy-siyosiy hayotida yoshlarning faolligini oshirish yuzasidan suhbatlashildi.

Suhbatlar jarayonida mahallada ishsiz yoshlar va maktab bitiruvchilarining shakllantirilgan ro‘yhati asosida hokim yordamchisi bilan birgalikda ularning bandligini ta’minlash, bitiruvchi sinf o‘quvchilari bilan uchrashib, oliy ta’lim muassasasi va mutaxassislik yo‘nalishini tanlash hamda kirish imtihonlariga tayyorgarlik ko‘rishga yaqindan yordam berish lozimligi haqida tavsiyalar berildi.