O‘rganish davomida muassasa binosidagi deraza va eshik romlari eskirgani, ayrim qismlarining texnik holati talab darajasida emasligi aniqlangan.

Mazkur holat kuz-qish mavsumida xonalarda issiqlikni saqlash, energiya sarfini kamaytirish hamda tarbiyalanuvchilar uchun qulay va xavfsiz sharoit yaratish masalalariga salbiy ta’sir ko‘rsatishi mumkin.

Shu munosabat bilan “Xalq deputatlari viloyat, tuman va shahar Kengashi deputatining maqomi to‘g‘risida”gi Qonunning 5 va 8-moddalariga muvofiq, Yunusobod tumani Maktabgacha va maktab ta’limi bo‘limi mudiriga deputat so‘rovi yuborildi.

Deputat so‘rovida 173-sonli maktabgacha ta’lim tashkiloti binosidagi deraza va eshik romlari holatini mutaxassislar ishtirokida o‘rganish, eskirgan qismlarni ta’mirlash yoki almashtirish bo‘yicha tegishli choralar ko‘rish hamda amalga oshiriladigan ishlar yuzasidan yozma axborot taqdim etish so‘ralgan.

✅ Maqsad — maktabgacha ta’lim tashkilotlarida bolalar uchun xavfsiz, qulay va zamonaviy ta’lim-tarbiya muhitini yaratishga ko‘maklashishdir.

Bizni kuzatishda davom eting!