Xalq deputatlari Urganch shahar Kengashi deputati M.Jumaniyazova tomonidan shahardagi “Navbahor” mahallasida joylashgan Islom Karimov ko‘chasidagi 98/2 va 100/2-sonli ko‘p qavatli uylar oralig‘idagi muhandislik-kommunikatsiya
tarmoqlariga tegishli kuzatuv quduqlari (kalodislar) holati joyiga chiqqan holda o‘rganildi.

O‘rganish jarayonida mazkur hududda joylashgan kuzatuv quduqlaridan birining qopqog‘i mavjud emasligi aniqlandi.

Ushbu holat aholi, ayniqsa bolalar va keksalar xavfsizligi uchun jiddiy xavf tug‘dirishi, shuningdek, favqulodda vaziyatlarning kelib chiqishiga sabab bo‘lishi mumkinligi qayd etildi.

Aniqlangan kamchilikni qisqa muddatlarda bartaraf etish, hududda xavfsiz va qulay sharoit yaratish maqsadida mas’ul tashkilotlarga deputatlik so‘rovi yuborish hamda muammoning ijrosini deputatlik nazoratiga olish belgilab olindi.