Xalq deputatlari Uchquduq tuman Kengashi kotibiyat mudiri M.Kamolova tomonidan yoshlar bilan ochiq muloqot uchrashuvi o‘tkazildi.

Muloqot davomida yoshlarni qiynab kelayotgan dolzarb masalalar, ularning taklif va tashabbuslari tinglandi. Xususan, ta’lim olish imkoniyatlari, bandlikni ta’minlash, tadbirkorlik faoliyatini yo‘lga qo‘yish, bo‘sh vaqtni mazmunli tashkil etish hamda yoshlarning ijtimoiy-siyosiy faolligini oshirish masalalari muhokama qilindi.

Uchrashuv samimiy va ochiq ruhda kechib, yoshlar o‘z fikr-mulohazalari hamda takliflarini bildirish imkoniyatiga ega bo‘ldilar. Bildirilgan murojaat va takliflar yuzasidan tegishli choralar ko‘rish hamda amaliy yordam ko‘rsatish bo‘yicha mas’ullarga vazifalar belgilandi.

Yoshlar — yurtimiz kelajagi. Ularning fikri, tashabbusi va intilishlarini qo‘llab-quvvatlash, muammolariga yechim topish har doim e’tibor markazida bo‘lib qoladi.

✨ Ochiq muloqotlar yoshlar va davlat organlari o‘rtasidagi hamkorlikni yanada mustahkamlashga xizmat qiladi.