Xalq deputatlari Boyovut tumani Kengashi deputati E.Otaboyev hamda viloyat Kengashi deputati R.Primqulov tomonidan “Bekat” mahallasida joylashgan 19-sonli maktabgacha ta’lim tashkilotida olib borilayotgan rekonstruksiya ishlari joyiga chiqqan holda o‘rganildi.

O‘rganish davomida qurilish-ta’mirlash ishlarining borishi, bajarilgan ishlar sifati hamda obyektni foydalanishga topshirish bo‘yicha amalga oshirilayotgan chora-tadbirlar bilan tanishildi.

Mas’ullar tomonidan ma’lum qilinishicha, rekonstruksiya ishlari yakuniy bosqichga yetgan bo‘lib, obyektni kelgusi 10 kun ichida foydalanishga topshirish rejalashtirilgan.

O‘rganish yakunida deputatlar tomonidan ishlarni belgilangan muddatlarda va sifatli yakunlash yuzasidan tegishli tavsiyalar berildi.