Mas’ullar Xalq deputatlari Termiz shahar Kengashining 2026-yil 8-apreldagi VII-20-29-8-121-K/26-sonli qarori asosida uy-joyi ta’mirlab berilgan fuqaro D.Karimovaning xonadoniga tashrif buyurdilar.

Tashrif davomida deputatlar bajarilgan qurilish-ta’mirlash ishlarini har tomonlama tahlil qildilar:

Sifat nazorati: Devorlarning pardozlanishi, sifatli eshik va romlarning o‘rnatilishi;
Qulayliklar: Xonadonda yashash uchun yaratilgan shart-sharoitlar va qulayliklar darajasi;
Muhandislik va loyiha: Pudratchi tashkilot tomonidan bajarilgan ishlar tasdiqlangan loyiha-smeta hujjatlari va qurilish me’yorlariga mosligi.

"Kengash qarorlari bilan ajratilgan har bir so‘m mablag‘ oilalar turmush sharoitini haqiqatda yaxshilashi, ularning yashash tarzini sifat jihatdan yangi bosqichga olib chiqishi shart!" — dedi Kengash raisi D.Normuradova.

Deputatlar mazkur xonadondagi ishlarni to‘liq qoniqarli deb topish bilan birga, ijtimoiy himoyaga muhtoj oilalarning uy-joy masalalari to‘liq hal etilguniga qadar nazoratni qat’iy davom ettirishlarini ta’kidladilar.