Tumani Kengashi deputati J.Rahmonqulov tomonidan “Navbahor” mahallasida aholi tomorqalaridan samarali va unumli foydalanish holatini o‘rganish maqsadida xonadonlarga tashrif buyurildi.

O‘rganish davomida tomorqa yer maydonlarida ekinlarni joylashtirish, takroriy ekinlar ekish, hosildorlikni oshirish hamda mavjud yer resurslaridan oqilona foydalanish masalalariga alohida e’tibor qaratildi.

Shuningdek, aholi bilan muloqot qilinib, tomorqalardan yuqori daromad olish imkoniyatlari, sabzavot va poliz ekinlarini yetishtirish bo‘yicha amalga oshirilayotgan ishlar bilan yaqindan tanishildi.

Deputat tomonidan tomorqalardan samarali foydalanish orqali oilalar daromadini oshirish, oziq-ovqat xavfsizligini ta’minlash hamda bo‘sh yer maydonlaridan unumli foydalanish yuzasidan tegishli tavsiya va takliflar bildirildi.