Xalq deputatlari Oqoltin tumani Kengashi deputatlari X.Ishimov va N.Turdiyevlar ishtirokida Yangi davr MFY raisi hamda mahalla hokim yordamchisi bilan uchrashuv o‘tkazildi.

Uchrashuv davomida aholi bandligini ta’minlash, tadbirkorlikni rivojlantirish hamda mahallada qo‘shimcha yangi ish o‘rinlari yaratish masalalari yuzasidan fikr almashildi. Shuningdek, bu borada amalga oshirilayotgan ishlar va erishilgan natijalar muhokama qilindi.

O‘rganishlar davomida aniqlanishicha, mahalla hokim yordamchisining ko‘magi va qo‘llab-quvvatlashi bilan mahallada 4 ta mikroloyiha ishga tushirilgan bo‘lib, natijada 9 nafar fuqaro doimiy ish bilan ta’minlangan.

Uchrashuv yakunida mavjud imkoniyatlardan samarali foydalanish, yangi loyihalarni amalga oshirish hamda aholi bandligini yanada oshirish yuzasidan tegishli taklif va tavsiyalar bildirildi.