Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston Respublikasi Vazirlar Mahkamasining 2022-yil 31-martdagi 145-sonli qaroriga muvofiq “Besh-tut” mahallasidan “Ayollar daftari”ga kiritilgan 95 nafar xotin-qizlarga ko‘rsatilayotgan amaliy yordamlar Xalq deputatlari tuman Kengashi raisi O.Babayev tomonidan tahlil qilindi.

🔺O‘rganish jarayonida “Ayollar daftari”ga kiritilgan xotin-qizlarning ijtimoiy ahvoli, ularning bandligini ta’minlash, tadbirkorlik faoliyatini boshlash uchun ajratilayotgan imtiyozli kreditlar, subsidiyalar hamda kasb-hunarga o‘qitish bo‘yicha olib borilayotgan ishlar holati ko‘rib chiqildi.

🔺Shuningdek, xotin-qizlar faoli N.Umurzakovaning ehtiyojmand xotin-qizlarga moddiy va ma’naviy ko‘mak ko‘rsatish, tibbiy xizmatlardan foydalanish imkoniyatlarini kengaytirish, uy-joy va oilaviy muammolarini hal etish bo‘yicha amalga oshirilayotgan chora-tadbirlar yuzasidan mas’ullar axboroti tinglandi.

🔺Tahlil davomida ko‘makka muhtoj bo‘lgan xotin-qizlarning murojaatlarini o‘z vaqtida ko‘rib chiqish, ularning muammolarini manzilli hal etish hamda ajratilgan mablag‘ va imkoniyatlardan samarali foydalanish masalalariga alohida e’tibor qaratildi.