Xalq deputatlari Oqoltin tumani Kengashi deputati K.Xakimova va tuman Kengash kotibiyati bosh mutaxassisi D.Shakarboyevlar tomonidan Ko‘rkam diyor mahallasida amalga oshirilayotgan ishlar holati o‘rganildi.

O‘rganish jarayonida mahallada “Sayxunobod tajribasi” asosida hokim yordamchisi ko‘magida infratuzilmaga ulanish hamda moliyaviy qo‘llab-quvvatlash mexanizmlari orqali 5 ta mikroloyiha amalga oshirilganligi aniqlandi.

Mazkur mikroloyihalar natijasida yangi tadbirkorlik faoliyatlari yo‘lga qo‘yilib, mahalla aholisining bandligini ta’minlash maqsadida 10 ta yangi ish o‘rni yaratilgan. Bu esa fuqarolarning daromad manbalarini kengaytirish, ularning turmush farovonligini oshirish hamda mahallada iqtisodiy faollikni kuchaytirishga xizmat qilmoqda.