Tasdiqlangan reja-jadvalga muvofiq, Xalq deputatlari Jondor tumani Kengashi kotibiyati bosh mutaxassislari J.Norov va R.Murodovlar hamkorligida “Jondor” mahallasida saylovchilar bilan uchrashuv o‘tkazildi hamda mahallada hokim yordamchilari tomonidan amalga oshirilayotgan ishlar samaradorligi o‘rganildi.
✔️O‘rganishlar davomida aholini kambag‘allikdan chiqarish, bandligini ta’minlash, oilaviy tadbirkorlikni rivojlantirish, imtiyozli kredit va subsidiyalardan samarali foydalanish, kasb-hunarga o‘qitish hamda daromadli mehnat bilan ta’minlash borasida amalga oshirilayotgan ishlar tahlil qilindi.
✔️Shuningdek, saylovchilar bilan muloqot davomida ularning murojaat va takliflari tinglanib, mavjud muammolarni hal etish yuzasidan mas’ullarga tegishli tavsiya va topshiriqlar berildi. Hokim yordamchilari faoliyatining natijadorligini yanada oshirish, har bir xonadon bilan manzilli ishlash, ehtiyojmand oilalarni doimiy qo‘llab-quvvatlash hamda yangi ish o‘rinlari yaratish bo‘yicha amalga oshirilayotgan chora-tadbirlarga alohida e’tibor qaratildi.
✔️O‘rganish yakunlari bo‘yicha aniqlangan kamchiliklarni bartaraf etish, aholini kambag‘allikdan chiqarishga qaratilgan dasturlar ijrosini kuchaytirish va saylovchilarning murojaatlari ijrosini nazoratga olish yuzasidan tegishli takliflar ishlab chiqildi.
✔️Xalq deputatlari Jondor tumani Kengashi tomonidan mahallalarda amalga oshirilayotgan o‘rganishlar aholi muammolarini joyida hal etish, davlat dasturlari ijrosini ta’minlash hamda hokim yordamchilari faoliyati samaradorligini oshirishga xizmat qilmoqda.