Xalq deputatlari Pastdarg‘om tuman Kengashi deputati U.N. Shukurov tomonidan yuborilgan 2026-yil 26-apreldagi 101-ds-487-26-sonli deputat so‘rovi asosida hududdagi avtomobil yo‘llari holati tegishli mutaxassislar ishtirokida joyiga chiqib o‘rganildi.
O‘rganishlar davomida ayrim yo‘l uchastkalarida qoplama qatlamining yemirilgani, chuqurlar va boshqa nuqsonlar mavjudligi aniqlanib, mazkur kamchiliklarni bartaraf etish uchun joriy ta’mirlash (yamoq) ishlari zarurligi belgilandi.
Shunga muvofiq, amaldagi me’yoriy-huquqiy hujjatlar hamda tasdiqlangan ish rejalari asosida ushbu yo‘llarda ta’mirlash ishlarini tashkil etish bo‘yicha choralar ko‘rilgan. Mazkur ishlarni 2026-yilning II choragida yakunlash rejalashtirilgan.
Mazkur masala deputat nazoratida bo‘lib, yo‘llar holatini yaxshilash bo‘yicha ishlar izchil davom ettiriladi.