Xalq deputatlari Urganch shahar Kengashi deputati B.Djumaniyazovning tashabbusi bilan shahrimizdagi S.Nichupurenko xotirasiga bag‘ishlab o‘rnatilgan xotira maydonchasi atrofida keng ko‘lamli obodonlashtirish ishlari olib borildi. 

Xususan, hududdagi manzarali daraxtlar va gullarni sug‘orish tizimidagi muammolar hal etilib, doimiy oqava suv tarmog‘i yetkazib berildi. Shuningdek, maydoncha atrofi chiqindilardan tozalanib, ko‘kalamzorlashtirish ishlari yakuniga yetkazildi. 

Bu kabi xayrli ishlar nafaqat tarixiy shaxslar xotirasiga bo‘lgan hurmatni ifodalaydi, balki mahalla ahli va shahrimiz mehmonlari uchun shinam dam olish maskani bo‘lib xizmat qiladi. Obodlik ko‘ngildan boshlanadi, bunday tashabbuslar esa shahrimiz qiyofasini yanada go‘zallashtirishga xizmat qilishi shubhasiz.