Sırtqa salqın túsken sayın mekteptegi ıssılıq, qolaylı sharayat hám balalardıń qáwipsizligi jáne de áhmiyetli boladı.
Usı máselelerdiń orınlardaǵı jaǵdayın kóriw maqsetinde Xalıq deputatları Bozataw rayonlıq Keńesi 8-sanlı "Erkindárya" saylaw okruginen saylanǵan deputat J.Jumanazarov 7-sanlı ulıwma orta bilim beriw mektebine bardı.
Deputat mektep imaratın aralap, ısıtıw sisteması, oqıw bólmeleriniń jaǵdayı hám qıs máwsiminde oqıwshılarǵa qolaylı sharayat jaratıw boyınsha orınlanıp atırǵan jumıslardı kórip shıqtı.
Mektep basshılıǵı menen sáwbet waqtında qıs dawamında oqıw procesine tásir etiwi múmkin bolǵan máseleler haqqında sóz etildi. Mektep basshıları menen sáwbette qıs máwsiminde oqıwshılar ushın qolaylı sharayattı támiyinlewge baylanıslı máseleler dodalandı.
Deputattıń mekteptegi bunday barıp-kóriwi - tek ǵana jaǵdaydı kóriw emes. Bul oqıwshılardıń kúndelikli turmısına tásir etetuǵın máselelerge ornındaǵı kózqaras penen qaraw ekenligin kórsetedi.