#Davlat xizmatlari, FHDYO organlarida fuqarolarga xizmat ko‘rsatilishi holati o‘rganildi

🏛 Davlat xizmatlari ko‘rsatish holati o‘rganildi
Xalq deputatlari O‘rta Chirchiq tuman Kengashi deputati B.Baxovadinov, tuman Adliya bo`limi boshlig'i hamda tuman Kengashi kotibiyati bosh mutaxassisi Sh.Sidikovalar tomonidan tumandagi Davlat xizmatlari markazi va FHDYo organlarida aholiga xizmat ko‘rsatish holati o‘rganildi.

🔹 O‘rganish davomida fuqarolar uchun yaratilgan shart-sharoitlar, davlat xizmatlarini ko‘rsatish sifati, murojaatchilar uchun qulayliklar, navbat tizimi hamda xizmat ko‘rsatish jarayonlarining tezkor va shaffof tashkil etilganligiga e’tibor qaratildi.

📑Tug‘ilganlikni qayd etish, nikohni rasmiylashtirish, turli ma’lumotnomalarni olish va boshqa davlat xizmatlaridan foydalanish jarayonlari ko‘zdan kechirildi. Xizmat olish uchun murojaat qilgan fuqarolar bilan suhbatlar o‘tkazilib, ularning fikr va takliflari tinglandi.

✅Xalq deputatlari O‘rta Chirchiq tuman Kengashi kotibiyati axborot xizmati!