KORRUPSIYAGA QARSHI TARG‘IBOT

✅ 16-«Do‘stlik» saylov okrugidagi «Matonat» mahallasida korrupsiyaning oldini olishga qaratilgan targ‘ibot-tushuntirish ishlari olib borildi.
Xalq deputatlari Navoiy shahar Kengashi kotibiyat mudiri Jo‘rabek Hafizov hamda kotibiyat bosh mutaxassisi Diyorbek Toyirov tomonidan mahalla raisi va faollariga korrupsiyaning salbiy oqibatlari, halollik va qonuniylik tamoyillari yuzasidan tushuntirishlar berildi.

⚖️ Tadbir davomida 2017-yil 3-yanvardagi O‘RQ–419-son “Korrupsiyaga qarshi kurashish to‘g‘risida”gi Qonun hamda 2024-yil 5-iyundagi O‘RQ–931-son “Manfaatlar to‘qnashuvi to‘g‘risida”gi Qonun mazmun-mohiyati targ‘ib qilindi.

✅ Shuningdek, korrupsiyaga nisbatan murosasiz munosabatni shakllantirish, manfaatlar to‘qnashuvining oldini olish, ochiqlik va shaffoflikni ta’minlash masalalariga alohida e’tibor qaratildi.

🤝 Halollik — jamiyat taraqqiyoti va xalq ishonchining muhim mezonidir.