🤝 Sessiya kun tartibidagi muhim masala yuzasidan o‘rganish o‘tkazildi

👥 Xalq deputatlari Sherobod tumani Kengashi kotibiyati mudiri O. Tursunov hamda Kengash kotibiyatining bosh mutaxassisi Sh. Xo‘janazarov tomonidan Xalq deputatlari Sherobod tumani Kengashining navbatdagi sessiyasi kun tartibiga kiritilgan “Tuman budjeti daromadlari bajarilishi holati, qo‘shimcha rezervlarni aniqlash bo‘yicha amalga oshirilgan ishlar, shuningdek soliqlar va boshqa majburiy to‘lovlar kesimida budjetga hisoblangan hamda amalda to‘langan mablag‘lar, ular bo‘yicha mavjud soliq qarzdorligi yuzasidan 2026-yilning 2-choragida amalga oshirilgan ishlar to‘g‘risida”gi masala yuzasidan dastlabki o‘rganish ishlari olib borildi.

📊 O‘rganish jarayonida tuman budjeti daromadlarining bajarilish holati, qo‘shimcha rezervlarni aniqlash bo‘yicha amalga oshirilgan ishlar hamda soliq tushumlarini ta’minlash, mavjud qarzdorliklarni kamaytirish borasidagi chora-tadbirlar tahlil qilindi.

📝 Shuningdek, masala yuzasidan tegishli mutasaddilar bilan fikr almashilib, sessiya muhokamasiga tayyorgarlik doirasida zarur ma’lumotlar o‘rganildi.

✅ Mazkur yo‘nalishdagi o‘rganish ishlari sessiya kun tartibidagi masalalarni chuqur tahlil qilish va asoslantirilgan qarorlar qabul qilishga xizmat qiladi.