Xalıq deputatları Bozataw rayonlıq Keńesi, 13-sanlı “Porıltaw” saylaw okruginen (XDP) saylanǵan deputat K.Bisenov tárepinen aymaǵındaǵı turǵınlardıń turmıs sharayatın jaqınnan úyreniw maqsetinde úyme-úy jurip, puqaralar menen sáwbetlesiwler ótkerdi.

Deputat kóshelerdiń tazalıǵı, puqaralar ushın qolaylıq jaratıw máselelerine ayrıqsha itibar qaratıldı. Kóshe boylarındaǵı tártiplilikti saqlaw, qıytaq jerlerdi nátiyjeli paydalanıw hám sanitariya jaǵdayların jaqsılaw boyınsha puqara menen pikir almasıwlar bolıp ótti.

Deputat óz sózinde aymaqlardı abadanlastırıw, xalqımız ushın qolay turmıs jaǵdayın jaratıw hám puqaralar menen turaqlı sáwbet alıp barıw eń áhmiyetli wazıypalardan biri ekenligin atap ótti.

Sáwbetlesiwler barısında puqaralar jumıs penen támiyinlew, ishimlik suw, jol, elektr energiyası hám sociallıq járdem máseleleri boyınsha ózleriniń usınıs hám múrájatların bildirdi.

Deputat, kóterilgen hár bir másele boyınsha jazıp alıp tiyisli shólkemler menen birgelikte sheshimin tabıw boyınsha ámeliy sharalar belgilep alınatuǵının atap ótti.