Xalq deputatlari Paxtakor tumani Kengashi 4 – Chamanzor saylov okrugi deputati, tuman hokimi X.Abduvohidov o‘z saylov okrugi aholisi hamda boshqa fuqarolar bilan uchrashuv o‘tkazdi.

Qabul davomida aholi tomonidan uy-joy, kommunal xizmatlar, bandlik, tadbirkorlikni qo‘llab-quvvatlash, yer munosabatlari hamda boshqa ijtimoiy masalalar yuzasidan murojaatlar tinglandi.

Har bir murojaat atroflicha o‘rganilib, ularni qonuniy hal etish bo‘yicha mas'ul tashkilotlar rahbarlariga aniq topshiriqlar berildi.

Qo‘shimcha o‘rganish talab etiladigan masalalar ijroga olinib, ularning o‘z vaqtida va sifatli hal etilishi yuzasidan nazorat o‘rnatildi.

Fuqarolar bilan ochiq muloqot qilish, ularning muammo va takliflarini eshitish hamda joyida yechim topish bo‘yicha bunday qabullar muntazam ravishda davom ettiriladi.