AHOLI MUROJAATI ASOSIDA YO‘L MUAMMOSI O‘RGANILDI 

Xalq deputatlari Quva tuman Kengashi deputati A.Dadajonov kotibiyat bosh
mutaxassissi A.Fozilov bilan birgalikda Tolmozor mahalla fuqarolar yig‘inida
mahalla raisi va hokim yordamchisi hamrohligida hudud infratuzilmasidagi mavjud
muammolarni o‘rgandilar. 

O‘rganish jarayonida mahalladagi ichki yo‘llar holati, ichimlik suvi ta’minoti, elektr
energiyasi, obodonlashtirish ishlari hamda aholi uchun qulay shart-sharoitlar
yaratish bilan bog‘liq masalalar atroflicha ko‘rib chiqildi. Shuningdek,
fuqarolar bilan ochiq muloqot o‘tkazilib, ularning taklif va murojaatlari
tinglandi. 

Aniqlangan muammolarni bartaraf etish yuzasidan tegishli mas’ullar bilan hamkorlikda
amaliy chora-tadbirlar belgilab olindi.