КЕНГАШ ҚАРОРИ ИЖРОСИ ЎРГАНИЛДИ
Халқ депутатлари Янгиқўрғон тумани Кенгашининг 2025 йил 30 декабрдаги VII-19-169-6-90-K/25-сонли қарори ижросини таъминлаш ва белгиланган вазифаларнинг амалга оширилиш ҳолатини ўрганиш мақсадида навбатдаги манзилли ўрганиш ишлари олиб борилди.
Ўрганиш доирасида Янгиқўрғон туманидаги 33-сонли мактабгача таълим ташкилотини реконструкция қилиш ишлари жойига чиққан ҳолда кўздан кечирилди.
Мазкур объектда фойдаланишга яроқсиз ҳолатдаги мавжуд бино ўрнига 150 ўринли замонавий янги мактабгача таълим ташкилоти биноси барпо этилмоқда.
🏗 Қурилиш ишлари “Gaz ta’mir pardoz” МЧЖ томонидан амалга оширилаётган бўлиб, лойиҳанинг умумий қиймати 5,4 млрд сўмни ташкил этади.
Халқ депутатлари Янгиқўрғон тумани Кенгаши котибияти мудири Эргашева Мунисхон Рустамбековна, Халқ депутатлари Наманган вилояти Кенгаши котибияти мутахассиси М. Имамов ҳамда Халқ депутатлари Янгиқўрғон тумани Кенгаши депутати Миразимов Рустамжон томонидан объектда олиб борилаётган қурилиш ишлари ҳамда Кенгаш қарорида белгиланган вазифаларнинг ижро ҳолати ўрганилди.
Ўрганиш жараёнида қурилиш ишларининг сифати, белгиланган муддатларга риоя этилиши, объектни фойдаланишга тайёрлаш ҳамда болалар учун замонавий ва хавфсиз шароитлар яратиш масалаларига алоҳида эътибор қаратилди.
✅ Мазкур лойиҳа якунига етказилиши натижасида ҳудудда мактабгача таълим қамрови кенгайиб, 150 нафар болажон учун замонавий, шинам ва хавфсиз таълим-тарбия муҳити яратилади.
🇺🇿 Янги таълим масканининг барпо этилиши Мустақиллигимизнинг 35 йиллиги арафасида болажонларга муносиб туҳфа бўлади.