Xalq deputatlari Toyloq tuman Kengashi kotibiyati mudiri B.Xamrayevning Olmazor mahallasidagi navbatdagi manzili tomorqachilik faoliyati bilan shug‘ullanayotgan fuqaro xonadoni bo‘ldi.

Tashrif davomida Oʻzbekiston Respublikasining 2021-yil 1-apreldagi O‘RQ-681-sonli “Tomorqa xo‘jaligi to‘g‘risida”gi Qonuni ijrosi doirasida fuqaro tomonidan 10 sotix yer maydonida malinachilik yo‘lga qo‘yilgani hamda malina hosili ikki sezonda yetishtirilayotgani bilan tanishildi.

Ma’lum qilinishicha, ushbu faoliyat orqali bir yilda o‘rtacha 50–60 million so‘m daromad olinmoqda. Yetishtirilayotgan mahsulotlar ichki bozorlarga yetkazib berilib, aholi ehtiyojini ta’minlashga xizmat qilmoqda.

Tomorqa yerlaridan unumli foydalanish aholi bandligini ta’minlash, oilalar daromadini oshirish hamda tadbirkorlikni rivojlantirishda muhim omil bo‘lib xizmat qilmoqda.
✅Bizni kuzatib boring:👇
|📲 Telegram | 💻Facebook