O‘zbekiston Respublikasi sport vaziri o‘rinbosari Avaz Karimov hamda Xalq deputatlari Andijon shahar Kengashi deputati R. Ahmadulin Andijon shahridagi Gimnastika sport markazida amalga oshirilayotgan qurilish va ta’mirlash ishlari bilan tanishdilar.

Tashrif davomida sport inshootida olib borilayotgan ishlarning sifati, bajarilish holati hamda belgilangan muddatlarga rioya etilishi ko‘zdan kechirildi.

Shuningdek, markazda sportchilar uchun yaratilayotgan sharoitlarni yanada yaxshilash, zarur infratuzilmani takomillashtirish va ishlarni sifatli tashkil etish masalalariga alohida e’tibor qaratildi.

O‘rganish yakunida mas’ullarga aniqlangan kamchiliklarni bartaraf etish hamda qurilish-ta’mirlash ishlarini belgilangan muddatlarda va sifatli yakunlash yuzasidan tegishli topshiriqlar berildi.