Bo‘zatov tumanida 49-son qaror asosida olib borilayotgan o‘rganishlar davomida og‘ir toifadagi aholini kambag‘allikdan chiqarish va ularning bandligini ta’minlashga qaratilgan loyihalardan biri — ichki bozor qurilishi jarayoni bilan tanishildi.

Xalq deputatlari Bo‘zatov tumani Kengashi kotibiyati mudiri, 1-sonli "Palwash ataw" saylov okrugidan saylangan deputat Aziz Ibragimov va O'zbekiston Respublikasi Oliy Majlisi Qonunchilik palatasi Agrar va suv xo'jaligi masalalari qo'mitasining aʼzosi, deputat Nodira Rashidova obyektidagi qurilish ishlari, loyiha doirasida yaratilayotgan imkoniyatlar hamda kelgusida aholi, xususan, og‘ir toifadagi oilalar uchun yaratilishi kutilayotgan ish o‘rinlari haqida ma’lumot oldi.

Mazkur loyiha hududda yangi ish o‘rinlarini yaratish, aholi bandligini ta’minlash va oilalarning daromad manbalarini kengaytirish orqali kambag‘allikni qisqartirishga xizmat qilishi ko‘zda tutilgan.

Ayollar bandligi — yangi imkoniyatlar

Bo‘zatov tumanida 250 ta ish o‘rni yaratilgan “Bo‘zatov Textile” korxonasi faoliyati o‘rganildi. Ayni paytda korxonada 90 nafar ayol mehnat qilmoqda.

Xalq deputatlari Bo‘zatov tumani Kengashi kotibiyati mudiri, 1-sonli "Palwash ataw" saylov okrugidan saylangan deputat Aziz Ibragimov va deputat Nodira Rashidova korxonada bo‘lib, ishchilar uchun yaratilgan sharoit va imkoniyatlar bilan tanishdi, tadbirkorlik faoliyati hamda ishlab chiqarish jarayonlarini o‘rgandi.

Shuningdek, deputat korxona rahbari va ishchi-xodimlar bilan ochiq muloqot qilib, ularning fikr va takliflarini tingladi. Ayollar bandligini ta’minlash, munosib mehnat sharoitlarini yaratish va tadbirkorlik faoliyatini rivojlantirish masalalariga e’tibor qaratildi.